Эрхэм зочин таньд энэ өдрийн мэнд хүргэе.
Засгийн газрын 2016 оны 09 дүгээр тогтоолоор Өмчийн харилцааны газар болон Худалдан авах ажиллагааны албыг нэгтгэн Орон нутгийн өмчийн газар үүсгэн байгуулагдсан. Тус газар нь орон нутагт Улсын болон орон нутгийн өмчийн хөрөнгөөр бараа, ажил үйлчилгээ худалдан авах ажиллагааг ил тод, өрсөлдөх тэгш боломжтой, үр ашигтай, хэмнэлттэй, хариуцлагатай зохион байгуулж төсвийн хөрөнгө оруулалтын үр ашгийг нэмэгдүүлэх, Орон нутгийн өмчийн бүртгэл, хяналтыг сайжруулах, өмчийг эзэмших, ашиглах, түрээслүүлэх, хувьчлах, захиран зарцуулах зэрэг өмчийн харилцааны олон талт үйл ажиллагааны талаархи бодлогыг боловсруулж, өмчлөгчөөс гаргасан шийдвэрийг хэрэгжүүлэх ажлыг зохион байгуулах эрхэм зорилготойгоор ажиллаж байна. Бид Төрийн болон орон нутгийн өмчийн хөрөнгөөр хэрэгжих худалдан авах ажиллагаа, өмчийн олон талт харилцаанд оролцогч иргэн, хуулийн этгээдэд мэдээлэл, үйлчилгээг чанартай, шуурхай, хүртээмжтэй үзүүлэхэд төрийн албаны чадвар, туршлагатай төрийн албан хаагчыг тогтвортой ажиллуулах нөөцийн бодлогыг чухалчилж, төрийн албаны мерит зарчмыг баримтлан ажиллаж байна. Бидэнтэй хамтран ажилладаг нийт байгууллага, хамт олон, хэрэглэгч, үйлчлүүлэгч Та бүхэндээ амжилтын дээдийг хүсэн ерөөе.
ОРОН НУТГИЙН ӨМЧИЙН ГАЗРЫН ДАРГА
Ц.ЭРДЭНЭЧИМЭГ
